الإدارة والتقارير، المالية والمحاسبة، المبيعات والعملاء… كلها تصير في نظام واحد. شغلك ما يتغيّر، لكن يصير أدق ومرتّب أكثر وأسرع، مع ذكاء اصطناعي خاص بشركتك. وتختار: النظام يكون عندك على جهاز، أو باشتراك سنوي.
تجربة مجانية
خمسين مهمة يسويها الموظفين بأيديهم كل يوم — وكلها تقدر تصير لحالها. دوّر على قسمك، وشوف وش نشيله عنك.
ما لقينا مهمة بهذا الاسم — لكن قادرين عليها، اسألنا عنها
مهمتك مو في القائمة؟ قادرين عليها، اسألنا عنها
ما نغيّر طريقة شغلكم ولا برامجكم. نرتّب ونطوّر اللي يحتاج — والباقي يبقى مثل ما هو.
خذ مثال حقيقي شغّال عند أحد عملائنا: طلبات الشراء. كانت تضيع بين رسائل الجروب، واليوم تمشي لحالها — من الطلب، للاعتماد، للجدول. اضغط أي خطوة وشوف وش يصير فيها.
ما تحتاج تفتح المسارات ولا تفهم التقنية. تفتح اللوحة وتشوف كل شي لحظة بلحظة: الطلبات توصل من واتساب، المصروف يتحدّث، وتعتمد بضغطة. جرّبها بنفسك.
كل المسارات شغّالة
لوحة توضيحية بأرقام افتراضية — اعتمد طلب، أو تنقّل بين الأقسام.
أنظمة شغّالة اليوم فعليًا، مو أمثلة. أسماء العملاء محجوبة احترامًا لخصوصيتهم.
فريق المشاريع كان يطلب الشراء والسداد داخل جروب واتساب، والطلبات تضيع بين الرسائل. بنينا لهم بوت: تمنشنه فيعطيك قائمة، يجمع بيانات الطلب بنموذج، يوديه للمدير للاعتماد، وينزّله في جدول الشركة تلقائيًا.
كل طلب صار له سجل مكتوب واعتماد واضح — وما عاد فيه طلب يضيع في المحادثات.
المدير يسأل بالعربي من جواله: كم صرفنا هالشهر؟ وش طلبات مشروع كذا؟ كم باقي في عهدة فلان؟ والنظام يقرأ من جداول الشركة — المشاريع وطلبات الشراء والتحويلات البنكية والعُهد — ويرد بالأرقام في ثوانٍ.
الأرقام ما تجي من الذكاء الاصطناعي — تجي من حاسبة بنيناها بمعادلات ثابتة. الذكاء الاصطناعي يفهم السؤال بس. يعني ما فيه رقم مخترع.
كل اللي يصير في الشركة على صفحة وحدة: المشاريع، طلبات الشراء والسداد، التحويلات، الفواتير، الموردين والعُهد — تقرأها مباشرة من جداول الشركة. يدخلها المدير بمفتاح خاص ولكل دور صلاحياته، ومنها يضيف مشروع أو يقفله، يسجّل تحويل، ويسأل المحاسب الذكي بدون ما يطلع منها.
الإدارة صارت تشوف الشركة كلها من شاشة وحدة — بدون ما تطلب تقرير من أحد.
جرّب نسخة توضيحية منهاكل مشروع مختلف، والسعر يتحدد بعد ما نفهم شغلك. لكن اللي تستلمه ثابت دائمًا:
مو قالب جاهز — مبني على عملياتك أنت ومربوط بأدواتك الحالية.
نوصّل المسار بواتساب والإيميل والإكسل وأنظمتك اللي تستخدمونها أصلًا.
مع الجهاز نجي لمقرّك ونوصّله بنفسنا. ومع الاشتراك نجهّزه لك ونشرحه لفريقك — بالحالتين ما نتركك تتعلّم لحالك.
متابعة وتعديلات مجانية أول شهر بعد التسليم. بعدها تكمل بباقة دعم أو تكتفي.
نفس المسار ونفس الشغل في الحالتين. الفرق مين يشغّل النظام ومين يحميه.
مناسب لك إذا بتقفل على بياناتك.
مناسب لك إذا تبي تبدأ بسرعة وبأقل تكلفة أول.
نظامنا مبني ومطوّر من عندنا — فكل تحديث وكل حماية تمر تحت إشرافنا.
منصات الأتمتة تحاسبك على كل عملية، وفاتورتك تكبر كل ما كبر شغلك. عندنا العمليات مفتوحة — سواء أخذت الجهاز أو الاشتراك، السعر ثابت ما يتغيّر مع حجم شغلك.
الأخطاء اللي تصير في نظامك تتصلّح في ثوانٍ قبل ما تعرف عنها، بسبب دمجنا لنوع قوي جدًا من الذكاء الاصطناعي في نفس نظامنا.
نحتفظ بنسخة سحابية من مسارات نظامك ومن نظام عثاكيل نفسه — في حال خرب جهازك أو تعطّل، قادرين نشغّل برنامجك من جديد في أقل من ساعة. والنسخة فيها مساراتك وإعداداتها بس، مو بيانات شغلك.
يعتمد على تعقيد المسار، والأغلب يخلص خلال أيام. نعطيك مدة واضحة بعد الجلسة الأولى، قبل ما تدفع أي شي.
لا. الجهاز نفسه يشتغل عندك، لكن أي خطوة تتصل بواتساب أو الإيميل أو خدمة خارجية تحتاج إنترنت. اللي يتغيّر: مسارك وبياناتك عندك، مو عند طرف ثالث.
الجهاز عليه ضمان سنة، والنظام عليه ضمان ٥ سنوات. ونحتفظ بنسخة احتياطية من مسارات نظامك على سيرفرنا الرئيسي وعلى السحابة، فلو صار شي للجهاز نجهّز لك بديل بنفس الإعداد بدون ما تعيد أي شي من الصفر.
الجهاز متصل مباشرة بنظامنا الرئيسي، فيوصله كل تحديث وإصلاح أمني أول بأول بدون ما تسوي شي. وعندنا AI agents يراقبون الأنظمة ٢٤/٧، يكتشفون أي خلل ويصلّحونه فورًا. وإذا احتاجت المشكلة زيارة، نجيك بأسرع وقت.
إيه، تقدر تعدّل عليه بنفسك — لكن تتحمّل المسؤولية كاملة عن أي تعديل تسويه.
لو فيه مهمة يسويها موظف كل يوم بنفس الطريقة، غالبًا يستاهل. أوضح مؤشر: مهمة تتكرر أكثر من ١٠ مرات بالأسبوع.
الجهاز: تدفع مرة وحدة، السيرفر يقعد في مكتبك، بياناتك ما تطلع منه، وما فيه اشتراك عشان يشتغل. الاشتراك: تدفع اشتراك سنوي، نشغّله على سيرفرنا، تبدأ بسرعة وبدون تكلفة جهاز. نفس المسار ونفس الشغل — الفرق مين يشغّل النظام ومين يحميه. وتقدر تبدأ باشتراك وتنتقل للجهاز بعدين.
يعتمد على عدد المسارات وتعقيدها، وهل تختار الجهاز أو الاشتراك. تواصل معنا، وبعد جلسة قصيرة نعطيك رقم واضح بدون التزام.
قل لنا وش تسوّي يدويًا كل يوم، ونقول لك إذا ينفع نأتمته — بدون التزام.